27 de out. de 2012

MAGOSTO-SAMAÍN 2012

Adiantámosvos que o venres 2 de novembro imos celebrar o xa tradicional MAGOSTO-SAMAÍN das ANPAS na Praza Massó, a partir das 17:00 h. Os pais e nais que queiran colaborar (sobre todo para picar as castañas), poden achegarse a partir das 16:00 h.
A principios da semana que vén enviaremos unha nota con máis detalles.

Nota informativa 26/10/12

O venres 26 de outubro enviamos unha nota en relación a unha serie de medidas de protesta que imos poñer en marcha para tratar de que a Xunta nos arranxe os graves problemas de construción que aínda padece o centro (goteiras no ximnasio novo, ascensor "morto", etc.). Pinchade no vínculo de embaixo para acceder á nota.

--> NOTA INFORMATIVA ARRANXOS COLEXIO

Non esquecervos de mandar os caldeiros!!!

8 de out. de 2012

Nota informativa do luns 8 de outubro

Podedes descargar na ligazón de embaixo a nota que mandamos hoxe ao respecto dos últimos cambios en relación ás actividades extraescolares.

--> NOTA INFORMATIVA

3 de out. de 2012

Adhesión á Plataforma en contra dos recortes

A asemblea xeral da ANPA do pasado 14 de setembro, aprobou adherirse á Plataforma na que se integran varias asociacións de Bueu para protestar polos recortes sociais impostos dende o goberno coa escusa da crise económica. Lembrámosvos que estes recortes afectan directamente, ademais de a outras moitas cousas, á calidade da escola pública.

A Plataforma organiza unha concentración semanal tódolos xoves na Praza Massó, ás 20:30 h.

2 de out. de 2012

Inglés Nativo


Despois de sufrir algúns cambios de horario sobre o plan inicial, a actividade de Inglés Nativo queda como segue como segue:
Martes e Xoves de 4 a 5----1º e 2º de Primaria (15 €/mes).
Martes e Xoves de 5 a 6----3º a 6º de Primaria (15 €/mes).
Mércores de 4 a 5----------- 3º a 6º Primaria (10 €/mes).
Mércores de 5 a 6-----------1º e 2º de Primaria (10 €/mes).
Lembrámosvos que os contidos da actividade adaptaranse a idade dos rapaces e rapazas, de acordo co seguinte criterio:
1º e 2º de primaria: xogos e cancións en inglés.
3º a 6º de primaria: conversación en inglés.
As inscricións fanse a través do teléfono: 630-988-227 (Aracely), ou do correo electrónico osdinosabios@hotmail.com. 10 prazas por grupo. Os prezos que se consignan enriba son só para socios e socias da ANPA.