24 de out. de 2010

ACTIVIDADES DIVERSIFICADAS TODA A SEMANA DE 4 A 5 DA TARDE


A partir do luns 25 de outubro a ANPA ofertará de maneira permanente unha hora (16:00 a 17.00) de actividades diversificadas tódolos días da semana e independentemente do número de inscricións que haxa cada día (isto quere dicir que a actividade funcionará sempre, inda que teña anotado un só neno/a).

Lembrámosvos que as actividades diversificadas están pensadas para funcionar como un tempo de atención aos rapaces e rapazas, no que poderán facer as tarefas escolares, descansar, xogar, etc. Están abertas a todo o alumnado, pero gustaríanos recalcar que resultan especialmente interesantes para os/as usuarios/as do comedor, sobre todo para os/as nen@s de infantil, e de 1º e 2º de primaria, aos que non lles está permitido acudir sós á biblioteca.

O prezo das actividades é de 1,35 € á hora (máis 2,50 € ao empezar, para material). Para inscribirse podedes ir directamente á actividade (aula de música) no horario de funcionamento, ou chamar ao teléfono 630-988-227 (Araceli).

Aproveitamos tamén para aclararlle aos pais e nais que utilizan o servizo do comedor que a partir de agora os/as rapaces/zas usuarios/as do mesmo só poderán abandonalo:
-          Ao ser recollidos polos pais ou familiares autorizados.
-          Ao ser recollidos polos monitores/as das actividades extraescolares ás que acudan.
-          Por si mesmos, cando os pais/nais asinaran a correspondente autorización para que saian sós.

Se tendes dúbidas contactar coa ANPA.

15 de out. de 2010

XA ESTÁ ACTUALIZADA A TÁBOA DE ACTIVIDADES

Consulta a pestana "Actividades extraescolares"

5 de out. de 2010

AMPLIACIÓN DA ACTIVIDADE “FALANDO INGLÉS”

MÉRCORES e VENRES
17:00 a 18:00 h.
Dirixido ao alumnado do CEIP A Pedra de 3º a 6º de primaria.
10 € mes  (5 €/mes no caso de anotarse un día só).
Máximo 15 nen@s por día(e 2 días por nen@).

As inscricións faranse no colexio (coa ANPA) nas seguintes datas e horarios:
-         martes 5 de outubro de 16 a 17 h.
-         xoves 7 de outubro de 17 a 18 h.
Normas da inscrición:
-         cada interesado/a poderá formalizar só unha inscrición, agás no caso de irmáns.
-         Pódese descargar a folla de inscrición da web, pero hai que entregarlla á ANPA no prazo e lugar indicado para que esta sexa efectiva.

Nota: quedan algunhas prazas o MARTES no grupo que colle ata 2º de primaria.

4 de out. de 2010

Podedes descargar un resumo das normas do comedor na súa pestana.

3 de out. de 2010

Os/as usuarios/as do comedor xa podedes consultar a carta de benvida do Catering Arelas e mailo menú correspondente ao mes de outubro: