O FUNCIONAMENTO DO COMEDOR
Para poder utilizar o comedor escolar é imprescindible ser socio da ANPA. O prezo do servizo é de 3,65 € ao día.
O comedor funciona dende as 14:10 ata as 16:00 horas; comeza o primeiro día de curso e remata o último. As nenas e nenos de 4º de infantil non poderán comezar a utilizar o comedor ata o remate do periodo de adaptación.
Presta o servizo a empresa Catering Arelas (http://cateringarelas.com/); para darse de alta no comedor hai que poñerse en contacto co catering directamente polos seguintes medios:
- Teléfono: 986408151 – 655299847
- Correo electrónico: calidad@arelas.es ou info@cateringarelas.com
Para comunicar a falta de asistencia dunha nena ou neno debe avisarse con 24 horas de antelación ao catering, chamando por teléfono ou por correo electrónico. Tamén se avisará ao profesor/a para organizar a saída das nenas e nenos.
Cando se padeza algunha alerxia de tipo alimentario achegarase un certificado médico que a especifique. Pódese chamar ao catering para calquera consulta sobre o réxime alimentario especial das nenas e nenos.
O persoal encargado do coidado do comedor non é persoal cualificado para a administración de medicamentos.
Queda prohibido o consumo de calquera outro alimento que non sexa proporcionado pola empresa de catering.
O horario de recollida das nenas e nenos será dende as 15:30 ata as 16:00 horas, coa excepción dos que asisten ás actividades extraescolares, que serán recollidos ao seu remate.
Forma de pago:
Para máis información podedes consultar o texto das NORMAS DE FUNCIONAMENTO do comedor (descargable máis abaixo).